„პანექსი“ ARMENIA EXPO 2026-ზე - ქართული წარმოება საერთაშორისო ასპარეზზე

„პანექსმა“ საერთაშორისო სავაჭრო-სამრეწველო გამოფენაში ARMENIA EXPO 2026 მიიღო მონაწილეობა და საკუთარი პროდუქცია საერთაშორისო აუდიტორიას წარუდგინა. ღონისძიება 2026 წლის 4–6 სექტემბერს ერევანში გაიმართა.
წელს ARMENIA EXPO სომხეთის მრეწველთა და მეწარმეთა კავშირის 30 წლის იუბილეს მიეძღვნა. გამოფენამ ერთ სივრცეში გააერთიანა წამყვანი მწარმოებლები და ბიზნესის წარმომადგენლები ევროპიდან, აზიიდან და რეგიონის ქვეყნებიდან, შექმნა სივრცე პროდუქციის გაცნობისთვის, გამოცდილების გაზიარებისა და ახალი საქმიანი კავშირების ჩამოყალიბებისთვის.
„პანექსის“ მონაწილეობა გამოფენაში ქართული წარმოების შესაძლებლობების წარმოჩენასა და საერთაშორისო თანამშრომლობის განვითარებას ემსახურებოდა. კომპანიის პროდუქცია, მათ შორის კედლისა და სახურავის სენდვიჩ პანელები, განკუთვნილია თანამედროვე სამშენებლო პროექტებისთვის — საწარმოო, სასაწყობე, სავაჭრო და სხვა კომერციული დანიშნულების შენობებისთვის.
„პანექსისთვის“ მსგავსი საერთაშორისო ღონისძიებები მნიშვნელოვანი შესაძლებლობაა, გააცნოს საკუთარი პროდუქცია ახალ აუდიტორიას, გააღრმაოს ურთიერთობა ბიზნესის წარმომადგენლებთან და გამოიკვლიოს ახალ ბაზრებზე თანამშრომლობის პერსპექტივები.
„პანექსი“ ღიაა ახალი საერთაშორისო ბიზნესპარტნიორობებისთვის და მზადაა პარტნიორებთან ერთად იმუშაოს ახალი პროექტების განხორციელებაზე.