ინოვაცია წარმოებაში

პრაიმერის ტექნოლოგია „პანექსის“ სენდვიჩ-პანელებისთვის

კომპანია „პანექსი“ განაგრძობს წარმოების ხაზის სრულყოფას და პროდუქციის ხარისხის კონტროლის გაძლიერებას. ჩვენი საწარმოო პროცესის განუყოფელი ნაწილი გახდა ახალი კომპონენტი - პრაიმერი (Primer).
რა არის პრაიმერი და რა დანიშნულება აქვს მას?
პრაიმერი არის სპეციალური გრუნტი, რომელიც ასრულებს უმნიშვნელოვანეს როლს პოლიურეთანის (PIR/PUR) ქაფსა და მეტალის ფენას შორის. იგი წარმოადგენს ერთგვარ „წებოვან ხიდს“, რომელიც მაქსიმალურად ზრდის შეჭიდებას საიზოლაციო მასალასა და მეტალის ფირფიტას შორის. 

რატომ არის ეს მნიშვნელოვანი ჩვენი მომხმარებლისთვის?

სენდვიჩ-პანელის ექსპლუატაციის პროცესში, ქაფისა და მეტალის მყარი კავშირი გადამწყვეტია. პრაიმერის გამოყენება უზრუნველყოფს:

• უმაღლეს მდგრადობას: გამორიცხავს ლითონის ფენის აშრევებას ქაფისგან (დელამინაციას) წლების შემდეგაც კი.
• გაუმჯობესებულ თერმოიზოლაციას: მჭიდრო კავშირი ხელს უშლის მიკრო-სიცარიელეების წარმოქმნას.
• კონსტრუქციულ სიმტკიცეს: პანელი ხდება უფრო მონოლითური და გამძლე მექანიკური დატვირთვის მიმართ. 

„პანექსის“ საწარმოო ხაზში პრაიმერი წარმოების სტანდარტული და სავალდებულო ეტაპია.